Frau Ziebel

Des ischt isri Betty Ziebel.

Sie dappet au unter Bettina Boschert durch d'Welt.


Sie hät immer guate Idea, aber die andera brauchet emol a Weile, bis sie begreifet, was d’Frau Ziebel eigentlich mont. Aber wenn der Prozess no emol uma ischt und d’Frau Ziebel gnuag Geduld mit de Unfähiga ket hät, no geits immer a tolle Sach na. Sie wett gärn neie Koschtüm, und dieser Traum goht au endlich go in Erfüllung, isre Schneiderin isch dran. Obwohl mir, wenns noch de Frau Ziebel gengt, überall umasuschd singa dätet, und mir is so Koschdüm no gar net leischta kinnat! Sie singt mit ihra Aussabruscht voller Inbrunscht in de höchschta Tön und scheut au net davor zruck, dem Landrat und sämtlicha Großkopfeta uff d’Nerva zu gau, wenn sie ebber (i dem Fall de Frau Peterle) a Freid macha will.

Ihra schlimmschtes Erlebnis mit de Mauldäschle hät lang net stattgfunda, aber im Mai 2009 war's no au bei ihra soweit: und zwar ischd sie i Prob kumma, grichtet und uffbrezelt und voller Tatendrang, und no hät sie des macha wella, wa sie immer als erschtes i de Prob macht, nämlich de Wein uffmacha, und no war kon Wein do! Sie kämpft heit no mit de Träna, wenn sie a dia troschdlose Prob denkt, und dia andera sind ihra dankbar, dass sie de Beddel net nagworfa hät! Denn so schlimm hät's echt no konne verwischt!

Und jetzt no an kleine Steckbrief, damit Ihr wissat, wa Ihr de Frau Ziebel Guates doa kinnat (also schenka), falls Ihr sie mol sehat!

Lieblingsessa:	Müslischnitta
Lieblingstrinka:	Weissweinschorle sauer, aber kalt sotts sie und i ma saubera Glas
Lieblingskrach:	wenn d’Amelie uffam Klavier spielt
Lieblingsbloama:	100 Rosa vu 1 Ma
Lieblingsgschmäckle:	ungarisches Gulasch (geits aber no net als Parfüm)
Lieblingsurlaubsort:	s’Wohnwägele
Lieblingsgschenk:	Audi Quattro Cabrio mit verbreiterte Reifa, mind. 165 PS und Automatikschaltung