Wer sind mir?

Dürfet mir uns kurz vorschtella?

MIR SIND’S! Ja wer sind denn mir? Also, mir sind d’Mauldäschle vu Durchhausa,
an Haufe guat gfüllte Läckerbissa.

Und worum heisset mir grad Mauldäschle? Ja sell ischt doch klar, weil mir net uffs Maul gfloga sind und immer isre Däschle dabei hond! Ihr merket, mir schwätzet einfach so, wia is des eba erwähnte Maul gwachsa ischt!

Also, mir sind fünf meischtens guat glaunte Dama, die mit schwäbischem Humor den mühseliga und läschtiga Alltag auf’s Korn – aber no liaber auf’s Likörle - nehmat.
Mir singet à cappella (also ohne a Kappell oder Kirch) und schwätzet, wenn singa nimma goht.

Iser Programm ischd immer individuell (jessas, was für a Wort!) uff de jeweilige Anlass zuageschnitta und sozusaga jedes Mol a Premiere. Zumindescht für dia, wo's no net gseha hond....

Mir werat öfters gfroget, wia alt mir eigentlich sind, des ischd zwar a Frechheit, is so ebbes zu froga, aber mir sind net so und gebat do Auskunft: mir sind zamma 198 Johr alt, und als Mauldäschle geit's is seit Januar 2004. Dert waret mir allerdings no wengle jünger...

So, und für ganz Hartgsottene kunnt jetzt no jede einzeln vu is dra. D’Reihefolge goht übrigens streng noch Alter, aber net sortiert, suscht sind die Ältera
unter is widder beleidigt…


Klicket einfach mol des Bild a,
wo Eich am beschta gfällt. Aber net verschrecka, gell...

Frau Sössle

Madame Brué

Frau Ziebel

Frau Schmelzle

Frau Peterle