Wem danket mir?

Selbscht so geniale Fraua, wie mir jo sind, brauchet doch ab und zua die Hilfe vu andera. Und des wäret bei is dia Leit, wo jetzt dem ABC noch kummat, aber z’erscht kummat d’Fraua, wia sich’s ghört! Dankschee vielmols a dia älle!
Dia dirfet natirlich älle mit, wenn mir mol uff Weltturnee gand (lang ka’s nimma gau….. sott’s au net,
suscht packe mir des nimma!)

Ankica Späth (Frau Kräuterle)

isre einmalige Scheffin vum Keitering (lecker Essa) und Gsälzkocherin und ausserdem hilft sie is und unterschtützt is, wo sie nur ka, und sie lacht trotzdem no über und mit is – a echte Freindin halt.

Gisela Martin

isri erfindungsreiche Schneideri vu Weltrang
dia Frau näht die tollschte Sacha ohne einmal Mass zu nehma und trotzdem passt älles
und für iser neies Programm im Oktober 2010 hät sie wieder älles gea, juchu!

Heike Rochira

isre Maskabildnerin, also Schminkerin, uff guat schwäbisch: sie schmiert is des Zeigs is Gsicht und deckt domit an Haufa Falta zua, damit mir einigermassa ansehlich aussehat uff de Bühne. Wenn mir emole wieder doch alt aussehat, no hät sie net mitkinna, aber sell goht afanga gar nimma

Renate Engesser (d’Schlosser Renate)

isre spitzamässige Frau Vorverkauf und immer do, wenn mr sie braucht! Und Kucha backa duad sie au emol wieder für is, einfach a tolle Frau! und sie schämt sich au gar nimma...
(im richtiga Leba zweifache Mauldäschle-Mama
und s’Weib vum Schlosser Hans)

Hans Engesser (de Schlosser Hans)

isern nervastarka unentbehrlicha Raudie, Bäschlder, Fahrer und Mann für alle Fälle, der emol wieder de Kopf schittla moss. De Text kann er im übriga au in- und auswendig, weil er einfach immer dabei ischd! Wie schee!
(im Nebatschob zweifacha Mauldäschle-Papa und de Ma vu de Frau Vorverkauf)

Holger Späth

isern hochbegabta Fotograf und Bildbearbeiter, Parawon-Beschaffer, Weihnachtsbildermacher und no mehr
uff sina Bilder sehat mir besser aus wia im richtiga Leba, und des schafft nur er!

(im Nebatschob de Ma vu de Frau Kräuterle)

Josef Schorpp

isern geduldiga musikalischa Lehrmeischter, der immer freundlich und gelassen bleibt, au wenn mir manchmol ewig brauchet, bis mir a Lied kapieret!
(im Nebatschob einfacha Mauldäschle-Papa)

Marcel Mauch

isern geniala attraktiva Webmaschder, der trotz seiner Jugend (neid, neid) verstoht, was mir alte Fraua wellat!
(im Nebatschob zweifacha Mauldäschle-Neffe)

Marco Spitznagel

isern einmaliga, zuverlässiga und au no superguat aussehanda Beschaller (und no sooo herrlich jung! seufz!) aber er sorgt net nur für de guate Ton, nei er macht die tollschda Effekte für uns - Feuerwerk, brennende Hauba, was mir wellat! Er ischd so genial. Und de einzige Ma, wo isre Frau Peterle richtig verstoht!

Udo Schorpp

isern musikalischa und kritischa Feinschliffer, dem wir Frauen vertrauen. Er ischd de Einzige, wo is emol wieder so richtig zammastaucha derf, ohne dass mir närrsch werrat. Weil vum Udo zammagstaucht werra ischd richtig schee, ausserdem hand mir des jedes Mol verdient.
(im Nebatschob einfacha Mauldäschle-Bruader)

... und mir danket ganz herzlich :
dem Fanfarazug Durchhausa und de Gotte Klara

Da mir net daheim proba kinnat, weil suscht isri Manna wahnsinnig werra dätet, mond mir auswärts, und do simmer so froh, dass mir zum Fanfarazug in Proberaum dirfet, und wenn dia selber drin sind, no dirfet mir zu de Gotte Klara, des ischt d'Gotte vu de Frau Peterle und de Madame Brué und sie hät i dem Zimmer die dollschte Tapeta, dia es überhaupt uff dera Welt no gibt! Mir sind so froh, dass mr is ouma gäret!

So, und dann geit's no ganz liebe Leit, dia mir emol wieder zwischadrin brauchet, und no sind dia au zur Stelle und des findet mir toll und drum sollet dia jetzt au erwähnt werra
Dankschee a:
Eva Hagen, Margrit Mauch, Claudi Schorpp,
Norbert Martin, Helmut Sachse, Erwin Stoll,
Meta Merz, Hans Merz, Renate Dufner, Franz Dufner,
Gabi Erchinger, Beate Gönner, Heiko Gönner, Ute Vosseler
Inge Schorpp, Bettina Bacher, Matthias Bacher,
Manuela Kahler,Thomas Kahler, Volker Baier, Georg Liedigk
Gisela Sachse, Roland Häring, Lina Stoll, Uta Götz

und mir danket iserna Manna (Dieter, Erwin, Frank, Markus) und iserna Kind (Kai, Lisa, Sophia, Amelie, Theresa, Lauryn, Paul, Franziska, Felix), dass sie is des macha lond, au wenn es halt dann emol widder nur a Suppa zum Essa geit – aber mir versprechet ihna, dass sie mit dirfat, wenn mir vu isera erschta
Million no gi Kreta auswanderat!