Wa machet mir?

Also zum eina sehet mir total guat aus! Des beschtätiget is immer widder vu is abhängige Untersucher (isri Manna, isri Kind, isri Freund, isri Ex-Freund, isri Verehrer und no viel mehr)

Zum andera kinnat mir jeden Anlass humorischdisch und au opdisch verscheenera, egal ob an runda Geburtstag, a langweilige Weihnachtsfeier, a miads Betriebsfeschd, an ganza Obend ima Museum, inera Halle oder a Jubiläumsfeschd
– mir machet für jeden Anlass a bsunders Programm –
für Jeden ischt ebbes dabei!
Wia lang des Programm gau soll, des ka mr is saga, 20 Minuta, a dreiviertel Stund, a ganze Stund oder an ganza Obend, mir machet älles!

Doderbei schwätztet und verzellet mir aus iserm und anderer Leit ihrem Alltag und wa is do so ifällt und mir schrecket au net davor zruck, über is selber zum Lacha. Denn sell ischt mol s’Wichtigschte überhaupt, dass mir au mol über sich selber lacht, denn sich selber hät mr jo immer dabei, also hät mr au immer ebbes zum Lacha!
Probieret's aus!

Zum andera singat mir a capella, des hoisst ohne a Kappell also ohne a Musik. Do derbei hond mir gaz unterschiedliche Liader zum Bieta, zum gröschta Teil hammer sie umdichtet! Und des älles uff schwäbisch verstoht sich! Im übriga singet mir au mol gern inara Hozigkirch und dert gaz seriös!

Kuttla

Hulda

Sex-Potpürree

I wanna be

Seemann

Dschinghis Khan

Marleen

Fette Kuah

Der Löwe schloft heit Nacht

Manni

Monika

Raucherfrei

Schoklad-Liad

Kwandanamerra

Oh happy day

Mir gratulieret

Rock-Mädle

Ich renn ihm hinterher

Wechseljohr

Jetzt kummet dia Mauldäschle

Wer hät a de Uhra dreht?

Veschberzeit

Wer stinkt do?

De Juan Carrrlos

Probier's mol mit Gemüsebrei

Mir megad Männer

Ohne Deo goht die Cleo

NDW-Mädle


und dauernd übet mir ebbs Neis
und bringet de Udo und de Jupp zum Wahnsinn!