18. September „Forum Funktionsdienst OP“
in der Stadthalle in Spaichingen

Also des war richtig schee bei dena Dokters und kranka Schweschdra und Briader do i dera Stadthalle. Und obwohl dia da ganze Dag scho hand sich an Haufa Gschwätz ahöra messa, wia mr was wo und worum jetzt neiderdings operiert, waret dia Leit am Obend no uffnahmefähig! Älle Achtung! Also es hät richtig Spass gmacht und au dia Leit, wo vu weiter weg kumma sind (Frankfurter Würschtchen zum Beispiel) hond ihren Spass ket.
Der Herr Kugel vum Krankahaus Schwenninga und der Herr Hauser vum Krankahaus Tuttlinga hond des älles au perfekt organisiert. Ja und sellan Musiker de Enrico Meoni, wo dann no gspielt hät, ha sellan war richtig guat. Ebbes dolls zum Essa hommer au no kriegt (vum Krankahauschef dem Herr Wenzel, lecker lecker, also des Essa...) und als fascht Letzte simmer aus dera Spaichinger Stadthalle raus. Mir kummet gern mol wieder!
Und voram Krankahaus hommer jetzt au ko so a Angschd mehr. Bloss no hinterm Krankahaus.