Frau Peterle

Des ischt isri Barbara Peterle.

Am Telefon meldet sie sich aber mit Bärbel Link.

Sie ischt die Beschte, die Scheenschte, die Tollschte und die Intelligenteschte vu de Mauldäschle. A dera Vorschtellung kinnat Ihr scho seha, wer den ganza Mischt, den dia Mauldäschle so verzapfet, eigentlich zammadenke und schreiba moss. Aber sie macht des gärn und sie ka jo nit nu noch ihram Ma gucka, sell regt den jo mit de Zeit au uff.

Sie gibt au ihran großa Traum, mol Beschtsellerautorin zu wera, net uff und solang kon Verlag ihran Mischt kaufa will, schreibt sie halt weiter umasuscht.

Ihra schlimmschtes Erlebnis mit de Mauldäschle war bisher, wo ihre Mauldäschle-Kolleginna an Ufftritt ket hond und sie war dert i ihrem wohlverdienta Urlaub mit ihrem Herr Peterle und hinterher hond älle, aber au älle, gsait, des sei de bisher beschte Ufftritt vu de Mauldäschle gsi. Trotzdem macht sie tapfer, wenn au unter Träna, weiter.

Und jetzt no an kleine Steckbrief, damit Ihr wissat, wa Ihr de Frau Peterle Guates doa kinnat (also schenka),
falls Ihr sie mol sehat!

Lieblingsessa:	als Kid: Pirre, Rahnasalat und Rote Wirscht und des älles schee vermanscht (doher au ihre Vorliebe für die Farbe rot) heit: die selber gfangana Forella vu ihrem Ma (er stoht grad hinter ihra...)
Lieblingstrinka	Weissherbscht
Lieblingskrach:	ABBA
Lieblingsbloama:	Osterglocka a Oschtra, Pfingschtrosa a Pfingschta,Sonnabluama im Summer, Weihnachtsstern a Weihnachta und ausserhalb der Zeit älles ausser Nelka!
Lieblingsgschmäckle:	Tschill Sänder Nummer 4
Lieblingsurlaubsort:	Griechaland und Toskana
Lieblingsgschenk:	älles, wo sich de andere viel Gedanka gmacht hät sowie einmal im Monat an Hausmeischter für a paar Stund