 Bäckstäitsch |
 Freitag |
 Samstag |
Was soll mr jetzt über solche schöna Obende berichta?
Dia wo do waret, honds gseha... dia wo net do waret... ja
interessiert dia des?
Also no schreibt mr halt, was einem so einfällt:
Schee wars auf jeden Fall! Die ganze Arbeit und Mühe der
Monate vorher hät sich glohnt und des ischd doch schee,
wenn mr des saga ka. Mir fünf kinnat is no leida und
hond immer no Spaß am Proba, am Auftreta und au am Feira.
Und mit iserna wunderbara Leit, wo mir um uns rum hond,
do simmer so a richtige Familie worra.
Und älles hat guat klappt, es war wirklich au für uns
wunderbar! Mir hond soviel Spass ket, es war trotz de
Aufregung und Nervosität, dia mr vor solchana Obende immer hät,
au für uns einfach klasse!
Mir hond aber au immer ein
tolles Publikum, sell moss mr au mol saga,
do hand au dia Großkopfeta, wo sich eingfunda hond,
net wirklich gstört, ha ha, nein, jetzt mol im Ernst,sie hond dia Obende
wirklich bereichert! Es war uns echt a Ehre, dass Ihr uns
in Durchhausa wieder bsucht hand, obwohl Ihr sicher Besseres zum
Doa hond:
Herr Staatsekretär Ernst Burgbacher MdB
Herr Fritz Buschle MdL
Herr Landrat Guido Wolf MdL
Herr Landrat a.D. Hans Volle
die Herra und eine Frau Aufsichtsrät vu de Volksbank Trossingen
Bürgermeister von Rietheim-Weilheim Jochen Arno
Bürgermeister von Talheim Martin Hall
Bürgermeister von Durchhausen Erwin Link
älle mitsamt ihrana schöna Fraua,
bloss de Schultes vu Durchhausen,
der war ohne Frau do, dafür war er dreimol i de Halle,
wahrscheinlich hät er des einfach net fassa kinna, wa mr über
ihn verzellt hät...
Es war echt luschdig, genial, wunderschee, gucket dia Bilder a, no sehat Ihr selber
wia toll des war. Älles hät rundrum passt, des Essa war lecker,
dia Leit waret zfrieda und mr hät sogar monna kinna - begeischdert!
Und was isern Marco älles herzaubert hät, Traversa, Lichter, Feuerwerke,
rauchende Trockahauba, es war eine wahre Freid!
Und d'Feuerwehr war zwar do, aber mr hät sie net braucht,
do war no wiederum de Schultes froh. (mir aber au..)
Solche Obende kammer natürlich net alleine uff d'Fiass stella,
und do hond mir ganz viele tolle Leit ket, dia uns gholfa hond,
vornweg mol dia, wo ganz viel gschafft hond für uns.
Danke! Danke! Danke! Ihr seid wahnsinnig!
Mir versprechet Eich, mir machet nächst Johr wieder ein schönes gemeinsames
Grillfeschd, wo Ihr dann wieder.... helfa dirfat... aber au essa und trinka!
super Beschallung, klasse Beleuchtung und irre Spezialeffekte, isern Schatz und Bua, wa dätet mir au ohne ihn: Marco Spitznagel
Lieder hät er mit uns einstudiert, für de richtige Ton und gute Stimmung gsorgt, de Herbert Grönemeyer.... vu Durchhausa, an Wahnsinnstüp und unentbehrlich für uns : Udo Schorpp
Raudi, Handwerker, Mann für alle Fälle, Mitdenker, beschder Mann der Welt und des net nur a dena Obende: Hans Engesser
tolla Fotomacher und Paravenbeschaffer: Holger Späth
Gsälzkocherin, guate Seele, sorgt für uns und ischd immer für uns do und ka no lacha: Ankica Späth
freundlichschde Mauldäschlekartavorverkaufsfrau, Kuchabäckerin, Mann-Ausleiherin und no viel mehr: Renate Engesser
beschde Kosmetikerin und Faltaverschwindelasserin Bada-Württembergs: Heike Rochira
gschickdeschde Koschdümschneiderin und Pfundeversteckerin wo's geit: Gisela Martin
leckersta Koch und hervorragende Bewirtung: Volker Baier und seine Leit
nervastarker Liedeinstudierer und ganz wichtiger Kritiker und trotzdem immer lieb zu uns: Josef Schorpp
beschde Vorgruppe vu ganz Süddeutschland: die "Silberfüchse": Josef Schorpp, Helmut Sachse, Erwin Stoll
junga geniala Webmaschder mit Geduld und Verstand und verstoht uns alte Fraua: Marcel Mauch
und danke a dia Leit, dia für uns so viel dau hond,
Tisch deckt, uffgräumt, Sekt ausgschenkt, Mut gmacht usw.
Beate Gönner,
Manuela Kahler,
Eva Hagen,
Margrit Mauch,
Gabi Erchinger,
Uta Götz,
Ute Vosseler,
Meta Merz,
Claudi Schorpp,
Caroline Atzrodt,
Renate Dufner,
Hans Merz
Franz Dufner,
Roland Häring,
Heiko Gönner,
Thomas Kahler,
Norbert Martin,
Pascal Distel
Danke an de
Erwin Obschd-Hauser von Trossingen für dia leckera Bäcksteitsch-Platta!
Danke an
des Ehepaar Bettinger aus Wellendingen fürs Filmen!
Dia DVD ischd wunderschee!
Wenn des mol isere Enkelkind sehat.. dia werrat stauna, wa mir älles gmacht hond!
und danke a isere liebenswerta attraktiva unwiderstehlicha Manna Dieter, Frank, Erwin, Markus
MIR MEGAT EICH!
und a die tollschde Kind der Welt: Kai, Lisa, Sophia, Amelie, Theresa, Franziska, Felix, Lauryn und Paul
IHR SEID s'WICHTIGSCHDE FÜR UNS!