11. September Ma(h)lZeit Mauldäschle!
im "Löwen" in Biesingen

Also war des schee i dem badischa Biesingen!
Mr kas net anders saga.
Es war einfach genial!
Der Wolfgang Retzbach ischd jo ein
mords umtriebiga Kerle, wa der mit sira tolla Frau Karoline
do uff d'Fiass stellt mit dem "Löwen",
also des gibts gar net!
Des mond Ihr Eich mol agucka!
Des ischd ein Schaffer und Macher, unglaublich,
ja so sotts no mehr geba!
Dia Frau ischd natürlich do ganz schee ploget mit so om Ma,
aber sie trägts mit Humor!

Für uns war des ein toller Rahmen i dera Scheuna,
dia mit 250 Leit mehr via voll war!
Ein rustikales Ambiente, des hät so guat zu is passt.
Und der Wolfgang und sei Karoline und seine Nochber
und Helfer hond wirklich älles geba,
um dena Leit an scheena Obend zu macha!
Dünnete im eigana Ofa gebacka,
wo kriegt mr so was no?
Wein vum Hauptamtsleiter vu de Stadt Bad Dürrheim,
den kamer suschd au neana kaufa! (den Wein..)
Also is ischd des so guat ganga,
obwohl des im Badischa war! Klasse!
So kammer au zur Völkverständigung beitraga.

Danke a dia unheimlich gastfreundlicha Retzbachs mit ihrana fleissiga Helfer!
Aber au isre Helfer hond wieder feschde gschaffet,
drum dankschee a de Marco Spitznagel
und de Markus Merz sowia a die Eva Hagen.

PS: Wolfgang, des Holzofabrot, wo Du uns mitgeba häschd, ha des war jo klasse!


Zeitungsbericht